Afaq Bəşirqızı səhnəyə qayıdır

Uzun müddətdir teatrdan uzaq düşən Xalq artisti Afaq Bəşirqızı səhnəyə qayıdır.

Publika.az Olay-a istinadla xəbər verir ki, bu barədə o, “Şou xəbər”ə açıqlama verib. Aktrisa bildirib ki, yavaş-yavaş qayıtmaq üçün hazırlıqlara başlayır:

“Tamaşaçı səhnədə də, efirdə də, ekranda da artıq məni görəcək. Hərdən taleyin gözlənilməz və sərt oyunları olur. Bunları məğlub edəndir qalib. Ola bilər ki, aylarla, illərlər görünməyim. Amma bilirəm ki, tamaşaçıların ürəyində, ağlında varam. Teatrın direktoru Əliqismət Lalayevla görüşdük, danışdıq. Çox güman ki, mayda səhnəyə qayıdacağam.

Bəşir Səfəroğlu bu yolu gedib, onun arxasınca davam etdirirəm. Oğlu olsa, rahat olardım ki, işığını yandıran var. Azərbaycan teatrına və kinosuna istedadlar arzulayıram. Diləyirəm ki, onlar da özlərindən razı olmasınlar. Sən yaratdıqca, başını aşağı sal, tərifləndikcə, sus. Dünyanı dağıtma. Bu olmaz. Sənətkarlıqla hegomonluq bir-birinə uyğunlaşmır. Həyat yoldaşım utancaq insandır. Hamıya bu qürurda, bu mənlikdə həyat yoldaşı arzulayıram”.