Art

Korifey sənətçilərimizin ÖZƏL FOTOLARI HAZIRLANDI

3 Aprel 2023 14:30

Keçən ilin dekabr ayında kino ilə bağlı bir neçə quruma yazdım ki, yaşlı aktyor və rejissorları yığıb onları peşəkar fotosessiya etmək lazımdır. Həm tək-tək, həm də qrup halında. Müxtəlif bəhanələr gətirildi, ancaq düşünürəm ki, bu iş mütləq görülməlidir. Yaşlı nəsl aktyor və rejissorların sayı çox az qalıb və demək olar ki, onların professional çəkilmiş fotolarını tapmaq mümkün deyil. Bu, təkcə aktyorlar üçün keçərli deyil, həm də digər incəsənət və elm sahəsi qolları üçün də olmalıdır. Fotostudiya və aidiyyəti qurumlar bunu sosial məsuliyyət kimi öz üzərinə götürməlidir.

Publika.az xəbər verir ki, bu sözləri fotoqraf Rəsul Həsən sosial mediada yazıb. Korifey kino ustadlarının kompüter qrafikası ilə fotosessiyalarını hazırlayan və sosial mediada paylaşan fotoqraf onların keyfiyyətli fotolarının olmamasından gileylənib.

"Hələlik isə hazırda yaşayan klassik aktyorlarımızdan bəziləri "Midjoruney"-in generasiyasından — Cahangir Zeynalov, Elxan Qasımov, Ənvər Həsənov, Fəxrəddin Manafov, Hacı İsmayılov, Hacı Murad Yegizarov, Kazım Abdullayev, Məmməd Səfa, İlham Namiq Kamal, Rafiq Əzimov, Rasim Balayev, Şamil Süleymanlı, Valeh Kərimov və Vidadi Həsənov", - fotoqraf qeyd edib.