Art

Azərbaycanlı uşaqlar ifaları ilə Parisi mat qoydular - Foto

7 Aprel 2023 16:44

Bakı Şəhər Mədəniyyət Baş İdarəsinin Ə.Bakıxanov adına 6 nömrəli uşaq musiqi məktəbinin fortepiano sinfinin IV sinif şagirdi Sara Teyyublu və I sinif şagirdi Dəniz Əliyeva (müəllimə Raminə Ağayeva) Fransanın Paris şəhərində “International Vision Evro Arts competitions” çərçivəsində onlayn keçirilən “La Culture Slave a Paris” Beynəlxalq müsabiqədə uğurla çıxış edərək diplomla təltif olunublar.

Müsabiqədə Sara Teyyublu M.Mayerin "Qaraçılar rəqsi " əsərini ifa edərək I yerə, Dəniz Əliyeva isə W.Gillokun "Splashing in the brook" əsərini ifa edərək II yerə layiq görülüb.

Qeyd edək ki, "International Vision Evro Arts competitions" Avropanın rəsmi beynəlxalq müsabiqələr silsiləsindən olan mötəbər beynəlxalq distant uşaq və gənclərin yaradıcılığı müsabiqəsidir. Məktəblilərin qatıldığı “La Culture Slave a Paris" Beynəlxalq müsabiqəsi bu çərçivədə keçirilən populyar ifaçılıq yarışmasıdır.