Art

Azərbaycanda ilk: "Ev teatrı” üslubunda tamaşa hazırlandı

11 May 2023 12:06

Azərbaycanda ilk dəfə olaraq "Səhnə" teatrı “ev teatrı” üslubunda tamaşa hazırlayıb.

Publika.az xəbər verir ki, “ev teatrı” - adından da göründüyü kimi bir evin az sayda "qonaqları" üçün otaq şəraitinə uyğun olan tamaşalar hazırlayan teatrdır.

Bu, müasir teatr formasıdır və bu üslubda hazırlanan tamaşalarda müxtəlif teatr məktəblərinin qazandığı nailiyyətlərin sintezindən geniş istifadə edilir. Dünyada geniş yayılmasına baxmayaraq Azərbaycanda ilk dəfə olaraq "Səhnə" teatrı R.İbrahimbəyovun “Şirəbənzər” və E. Olbinin “Zooparkda nə baş verdi?” tamaşalarını “ev teatrı” üslubunda hazırlayıb.

Hər iki tamaşanı quruluşçu rejissoru Elvin Mirzəyevdir. Günü-gündən tamaşaçıların rəğbətini qazanan teatrın tamaşalarına Xalq artistləri Fəxrəddin Manafov, Şükufə Yusupova, Pərviz Məmmədrzayev və digər sənət adamları da təşrif buyururlar.

Üç ilə yaxındır fəaliyyət göstərən "Səhnə" teatrının repertuarını “ Bir dəfə Qarabağda”, “Molla Nəsrəddin 2022”, “Qaranlıqdan işığa”, “ Qurd əfsanəsi”, “ Elçilik” və digər tamaşalar zənginləşdirir.

Hər həftənin şənbə və bazar günləri "Səhnə" teatrı tamaşaçılarının yolunu gözləyir.

Biletləri İTİCKET.AZ saytından əldə etmək olar.