Azərbaycanlı aktyorların çəkildiyi film mötəbər festivalda - VİDEO

Azərbaycanlı aktyorların rol aldığı "Pov Memory" filmi Kanadada keçirilən mötəbər "Festival du nouveau cinéma"da nümayiş olunacaq.

Publika.az xəbər verir ki, bu barədə layihədə rol alan aktyor və ssenarist Asiman Ağa Rövşən məlumat verib. O, bildirib ki, filmin rejissoru və prodüseri İqor Smoladır.

"İqor Smola ilə ikinci əməkdaşlığımız olan "POV Memory" filmi Kanadada artıq 52-ci ildir keçirilən mötəbər "Festival du nouveau cinéma"da iştirak edəcək. Qeyd edim ki, "Festival du nouveau cinéma" Oskar kvalifikasiyalı fesrivaldır. Əgər film bu festivalda qalib gələrsə, Oskar mükafatı üçün yarışacaq filmlərin long-listinə düşəcək".

Ekran işi hərbiçinin həyatından bəhs edir. Rollarda Asiman Ağa Rövşən, Vüsalə Ağayeva, Ayla Ağayeva, Mahir Əsədov, Arzuman Mirzəsoy, Tamerlan Xəlilov, Konstantin Qriqoryev, Denis Okunev, Anton Klimkin, Elton Hacıyev, Kamal İlham, Dilarə Abdulayeva, Kamal İlham, Teyran İbişov, Elşən Məmmədov, Əli Əliyev, Ramil Baxşəliyev, Samir Rəcəb, Yusif Nağızadə çəkilib.