"Uşaq İncəsənət Festivalına 27 minə yaxın iştirakçı cəlb olunub"

Uşaq İncəsənət Festivalı 27000-ə yaxın iştirakçının cəlb olunduğu bir festival idi ki, bu da müstəqillik dövrümüzün ən böyük festivallardan biri olduğunu ifadə edir.

Publika.az xəbər verir ki, bunu Mədəniyyət Nazirliyinin Media və Kommunukasiya şöbəsinin müdiri Aynur Kərimova Ümummili Lider Heydər Əliyevin 100 illiyinə həsr edilən Uşaq İncəsənət Festivalının yekunlarına dair mətbuat konfransında deyib.

Aynur Kərimova qeyd edib ki, sözügedən müraciətlər sayəsində əldə olunan ümumi məlumat onlar üçün böyük bir baza deməkdir:

"Festival 21 nominasiya üzrə həyata keçirildi və qeydiyyat Bakı və regionlarda paralel aparılıb".

Aynur Kərimova işğaldan azad olunmuş ərazilərdə - Zəngilanın Ağalı kəndində bu cür festivalın təşkilinin önəmli faktor olduğunu söyləyib:

"Həmçinin Laçın şəhəri günündə də festivalın böyük bir stendi var idi ki, orada uşaqlar özfəaliyyətlərini nümayiş etdirdilər. Qaliblər artıq məlumdur. Hesab edirik ki, yəqin, bu festival onların yaddaşından silinməyəcək".