Art

Şuşa Dövlət Musiqili Dram Teatrı növbəti festivalda

15 Noyabr 2023 16:16

14-16 noyabr tarixlərində Türkmənistan Mədəniyyət Nazirliyinin təşkilatçılığı ilə Aşqabadda “Xoşbəxtlik dövrünün teatr sənəti” adlı IV Beynəlxalq Teatr Festivalı keçirilir.

Publika.az xəbər verir ki, adı çəkilən festivalda Azərbaycanı Mədəniyyət Nazirliyi, eləcədə TÜRKSOY-un dəstəyi ilə Şuşa Dövlət Musiqili Dram Teatrı təmsil edir.

Şuşa Dövlət Musiqili Dram Teatrı festival çərçivəsində xalq yazıçısı İlyas Əfəndiyevin “Boy çiçəyi” tamaşasını Türkmənistan Baş Dram Teatrının səhnəsində təqdim edib.

Qeyd edək ki, səhnə əsərinin quruluşçu rejissoru Əməkdar artist Loğman Kərimov, quruluşçu rəssamı Valeh Məmmədov, musiqi tərtibatçısı Əməkdar artist Azad Məmmədovdur. Rolları əməkdar artistlər Nazir Rüstəmov, Azad Məmmədov, aktyorlar Zəhra Salayeva və Püstəxanım Zeynalova canlandırıb.

Cəmilə