Azərbaycanın da təmsil olunduğu Beynəlxalq Forum başladı

Rusiya Federasiyası Hökuməti, Rusiya Federasiyası Mədəniyyət Nazirliyi və Sankt-Peterburq Hökumətinin təşkilatçılığı ilə IX Sankt-Peterburq Beynəlxalq Mədəniyyət Forumu keçirilir.

Publika.az xəbər verir ki, Sankt-Peterburqda təşkil olunan tədbirdə 30 ölkənin mədəniyyət nazirləri, 73 dövlətdən nümayəndə heyəti iştirak edir. Ölkəmiz adı çəkilən formunda mədəniyyət naziri Adil Kərimlinin rəhbərlik etdiyi nümayəndə heyəti ilə təmsil olunur.

Forum çərçivəsində Mədəniyyət naziri Adil Kərimlinin rusiyalı həmkarı Olqa Lyubimova ilə görüşü, həmçinin Dövlət Ermitajında Azərbaycan zalı, dahi bəstəkar Üzeyir Hacıbəylinin Rusiyanın Şimal paytaxtında ucaldılacaq abidəsinin məkanı ilə tanışlığı nəzərdə tutulub.

Qeyd edək ki, COVID-19 pandemiyası və Rusiyanın Ukraynada hərbi əməliyyata başlaması ilə əlaqədar forum 3 il idi ki təxirə salınmışdı. Forum işini noyabrın 18-dək davam etdirəcək. Forumun sonunda “Ermitaj” mükafatının təntənəli təqdimat mərasimi keçiriləcək.

Cəmilə