Əfsanəvi müğənninin Krımdakı otelini milliləşdirmək istəyirlər

Krımda SSRİ xalq artisti, Ukraynanın milli əfsanəsi Sofiya Rotaruya məxsus oteli milliləşdirmək istəyirlər. Publika.az xəbər verir ki, bu barədə Respublika Dövlət Şurasının sədri Vladimir Konstantinov deyib.

Dövlət Şurasının rəhbəri bildirib ki, daşınmaz əmlaka sahib olmaq müğənnini krımlı etmir. Məşhur müğənni dövlət əhəmiyyətli bir sıra mühüm məsələlərdə respublikanın mövqeyini bölüşməyib və onun fəaliyyətinə müsbət töhfə verməyib.

Yaltanın mərkəzində yerləşən “Rotaru” otelini milliləşdirib, hərracda satmaq planları noyabrın əvvəlində məlum olub. "Mash" Telegram kanalının məlumatına görə, müğənninin bundan xəbəri var və binanı hərracda özü satmağa hazırlaşır. Qeyd olunur ki, Rotaru əvvəlcə əmlakını ucuz qiymətə satmaq istəməyib və mülkü oğluna verib. Lakin milliləşdirmə ilə bağlı şayiələr onu öz yanaşmasına yenidən baxmağa məcbur edib, bundan sonra rieltorlar bazarlıq təklifi ilə potensial alıcılara zəng etməyə başlayıblar.

Sənətçinin keçmiş rejissoru və musiqi prodüseri Sergey Lavrov müğənninin obyekti özü üçün yaratmasını "kiçik səhv hesab" hesab edir. Onun ayrıca girişi, ərazisi və ya hovuzu yoxdur və oteldə qiymətlər çox bahadır.

Cəmilə