Mədəniyyət Nazirliyinin kollektivi qəzada həlak olanların xatirəsini yad etdi
Bizi izləyin

Art

Mədəniyyət Nazirliyinin kollektivi qəzada həlak olanların xatirəsini yad etdi

Mədəniyyət Nazirliyinin kollektivi qəzada həlak olanların xatirəsini yad etdi

Azərbaycan Respublikası Mədəniyyət Nazirliyinin kollektivi dekabrın 28-də Heydər Əliyev Beynəlxalq Hava Limanına gedərək qəzada həlak olanların xatirəsini yad edib.

Bu barədə Publika.az-a nazirlikdən məlumat verilib.

Bildirilib ki, hava limanında yaradılmış xatirə guşəsinin önünə nazirliyin adından əklil qoyulub.

Qeyd edək ki, dekabrın 25-də Bakıdan Çeçenistanın paytaxtı Qroznıya uçan Azərbaycan Hava Yollarına (AZAL) məxsus “Embrarer 190” tipli sərnişin təyyarəsi Qazaxıstanın Aktau şəhərindən bir neçə kilometr aralıda qəzaya uğrayıb.

Hava gəmisində Azərbaycan, Rusiya, Qırğızıstan və Qazaxıstandan olan 62 sərnişin, həmçinin 5 ekipaj üzvü olub.

Qəza nəticəsində 38 nəfər ölüb, 29 nəfər, o cümlədən 2 ekipaj üzvü sağ qalıb. Yaralılardan bəzilərinin vəziyyəti ağırdır.

Oxumağa davam et
Reklam
Reklam

Gündəm

Zəfaran Hospital
Səba