İkinci Dünya Müharibəsi zamanı oğurlanan məşhur skripka görün harada tapıldı

Məşhur skripka ustası Antonio Stradivarinin İkinci Dünya Müharibəsi zamanı oğurlanmış skripkası Tokioda tapılıb.

Publika.az xəbər verir ki, bu barədə "The New York Times" (NYT) məlumat yayıb.

Mendelssohn aləti 1709-cu ildə hazırlanmış və saxlanmaq üçün Mendelssohn-Bonke ailəsinə verilib, lakin müharibə zamanı itib və ailə onu tapmağa cəhd etsə də, axtarışlar nəticə verməyib.

Skripka mədəniyyət mütəxəssisi Karla Şapro tərəfindən müəyyən edilib. O, 2018-ci ildə Yaponiyada keçirilən "Stradivarius" sərgisindən fotolara baxırdı. Oradakı skripka "Stella" adlanırdı və 1707-ci ildə düzəldildiyi deyilirdi.

Mütəxəssis fotoşəkilləri orijinalın şəkilləri ilə müqayisə edib və ağac naxışları əsasında "Mendelssohn" olduğunu müəyyən edib. Alət 2000-ci ildə Nyu-Yorkda hərracda 1,5 milyon dollara satılıb. 2021-ci ilə qədər dünyada Stradivarinin əl əməyi olan təxminən 650 alət, o cümlədən 450-yə yaxın skripka qalıb.

Son zamanlara qədər də məşhur skripka ilə bağlı oğurluq əməlləri davam edib. Belə ki, 2023-cü ilin iyulunda Antonio Stradivarinin skripkası Ukraynadan Moldovaya qaçaqmalçılıq yolu ilə keçirməyə cəhd edilib. Ukrayna Dövlət Sərhəd Xidməti alətin götürülərək mütəxəssislərə təhvil verildiyini bildirib.

Adəm