Həmin məşhur banan əsərini QOPARIB DİŞLƏDİLƏR

Fransada keçirilən müasir incəsənət sərgisində insident baş verib.

Publika.az xəbər verir ki, ziyarətçi davranış qaydalarını pozaraq divara yapışdırılmış banandan ibarət “Komediant” instalyasiyasını korlayıb.

O, eksponatın bir hissəsini dişləyib, lakin mühafizəçilər bu incəsənət və qidalanma həvəskarının yüngül qəlyanaltısını yarımçıq kəsiblər.

Belə ki, Pompidu-Mets mərkəzində keçirilən “Sonsuz bazar günü” sərgisinin iştirakçısı Mauritsio Kattelanın “Komediant” adlı əsərinə yaxınlaşıb. O, divara yapışdırılmış bananı qoparıb və onu biologiyada bananla davranıldığı kimi soyub. Lakin meyvədən ləzzət almaq ona nəsib olmayıb. O artıq bir parça dişlədiyi anda mühafizəçilər onu dayandırıblar.

“Əsərin bütövlüyü pozulmayıb. Banan məhdud saxlama müddətinə sahib məhsuldur və mütəmadi olaraq yenilənir”, - “Sonsuz bazar günü” sərgisinin təşkilatçıları bildirib.

Fransız müxbirlərin verdiyi məlumata görə, sərgini ziyarət edənlər arasında bu mühüm eksponatın olmadığını fərq etməyənlər də olub.

Hüseyn İbadlı