Art

SSRİ Xalq artisti Yakub Əhmədov VƏFAT ETDİ - FOTO

30 Oktyabr 2025 19:48

SSRİ-nin və Özbəkistanın Xalq artisti Yakub Əhmədov vəfat edib.

Publika.az xəbər verir ki, bu barədə Özbək Milli Akademik Dram Teatrı öz "Telegram" kanalında məlumat yayıb.

“Özbək Milli Akademik Dram Teatrının kollektivi mərhumun ailəsinə və yaxınlarına başsağlığı verir”, - paylaşımda deyilir.

Qeyd edilib ki, Yakub Əhmədov 87 yaşında həyatla vidalaşıb.

Əhmədov, sənət həyatı boyunca 40-dan çox filmə çəkilib, o cümlədən “Əli Baba və qırx quldurun sərgüzəştləri”, “Zumrad”, “Furkat”, “Keçmiş günlər” və s.

Bundan əlavə, o özbək dilində 400-dən çox filmi səsləndirib.

Mədəniyyət və incəsənət sahəsindəki xidmətlərinə görə Əhmədov bir sıra yüksək mükafatlara layiq görülüb:

- SSRİ-nin xalq artisti
- 1977-ci il SSRİ Dövlət Mükafatı laureatı
- Özbəkistan SSR-nin xalq artisti
- “Əmək qəhrəmanlığı” medalı (2005)
- “Fədakar xidmətə görə” ordeni (2018)

Hüseyn İbadlı