Avropa

Monteneqro parlamentinin binasında gözyaşardıcı qaz tətbiq edilib

27 Dekabr 2019 08:15

Monteneqro parlamentinin iclasında "Din azadlığı haqqında" qanunun qəbulunun müzakirəsi zamanı gözyaşardıcı qaz tətbiq edilib.

Publika.az TASS-a istinadən xəbər verir ki, bu barədə RTCG telekanalı bildirib.

Məlumata görə, gözyaşardıcı qaz hakim koalisiyanın din azadlığı haqqında qanun layihəsinin dəyişilməz formada son dəfə səsverməyə çıxarılmasından sonra tətbiq olunub.

Müxalifət lideri Andriya Mandiç parlament spikerini iclası dayandırmağa və deputatlara qanun layihəsinə bütün təklifləri müzakirə etməyə imkan verməyə çağırıb. Spiker İvan Brayoviç iclası növbəti günə keçirməkdən və qanun layihəsinin hər düzəlişinə ayrı-ayrılıqda baxmaqdan imtina edib.

Bunun əvəzinə o, səsverməyə səs çoxluluğu ilə qəbul edilməmiş üç düzəlişi çıxarıb. Bundan sonra parlamentin iclasında "texniki səbəblərlə bağlı" fasilə yaranıb, deputatlar iclas zalını tərk ediblər. / Report