Avropa

NATO Rusiyanı öz qoşunları ilə HƏDƏLƏDİ - Lazım gələrsə...

9 Sentyabr 2022 18:49

NATO-nun baş katibi Yens Stoltenberq bildirib ki, alyans Avropanın şərq sərhədində yeni qüvvələr yerləşdirməyə hazırlaşır. Onun sözlərinə görə, bu, Rusiyaya görə olacaq.

Publika.az xəbər verir ki, Stoltenberq belə bir bəyanatla Brüsseldə Entoni Blinkenlə birgə konfrans zamanı çıxış edib.

Onun sözlərinə görə, Moskva üçün “bu, lazım gələrsə NATO-nun döyüşməyə və öz ərazisinin hər qarışını müdafiə etməyə hazır olduğuna dair aydın siqnal olacaq”.

Baş katib hesab edir ki, Ukrayna hərbi əməliyyatları dayandırarsa, o zaman onun ölkə kimi mövcudluğuna son qoyulacaq.

“Biz uzunmüddətli perspektivdə Ukraynanı dəstəkləyəcəyik və sovet silahlarından bizim standartlarımıza uyğun hazırlanmış silahlara keçməsinə kömək edəcəyik”, - deyə o bildirib.

Stoltenberq qeyd edib ki, NATO artıq Ukraynanı böyük miqdarda silah və sursatla təchiz edib, ehtiyatlarını azaldıb, lakin alyans Rusiyanın qələbəsinin qarşısını almağa çalışmalıdır.

Akqabay