Avropa

Zelenskidən KRİTİK AÇIQLAMA: "Ukrayna belə danışıqlara gedə bilməz"

25 Fevral 2023 00:45

Ukrayna Pezidenti Volodimir Zelenski hesab edir ki, Rusiya Prezidenti Vladimir Putinlə danışacaq heç nəyi yoxdur.

Publika.az UNİAN-a istinadla xəbır verir ki, bunu dövlət başçısı keçirdiyi mətbuat konfransında "Türkiyədə rus həmkarı ilə danışıqların mümkünlüyü barədə" sualı cavablandırarkən deyib.

Zelenski qeyd edib ki, onun müharibənin qarşısını almaq üçün Putinlə danışıqlar aparmaq istəyi olub, lakin o zaman Türkiyə prezidenti Rəcəb Tayyib Ərdoğan bunu edə bilməyib.

"Və təkcə o deyil. O, güclüdür. İndi də inanır ki, bacarar", - dövlət başçısı bildirib.

O vurğulayıb ki, indi Ukrayna belə danışıqlara gedə bilməz:

"İndi bacarmırıq. Bu eyni adam deyil (red: Putin), danışmağa kimsə yoxdur"

Onun sözlərinə görə, taxıl dəhlizi təşəbbüsünə və hazırda Türkiyədə olan “Azovstal”ın müdafiəçilərinə görə prezident Ərdoğana minnətdardır.

Hüseyn İbadlı