Avropa

Qanlı müharibə Almaniyanın "QAPISINI DÖYÜR" - 1000 səhifəlik əməliyyat planı hazırlandı

22 Noyabr 2024 06:16

Almaniya Federativ Respublikası 1000 səhifəlik “Alman Əməliyyat Planı” hazırlayaraq Rusiya ilə böyük müharibəyə hazırlaşmağa başlayıb.

Publika.az Almaniyanın "Frankfurter Allgemeine Zeitung" nəşrinə istinadla xəbər verir ki, sənədin məzmununun çoxu məxfidir.

Qeyd edilib ki, planda hərbi səbəblərə görə xüsusi mühafizə tələb edən əsas binalar və infrastrukturların adları yer alıb.

Vurğulanıb ki, Bundesver artıq bu məxfi sənəd əsasında şirkətləri potensial fövqəladə hallara hazırlamağa başlayıb.

Daha əvvəl Almaniya kansleri Olaf Şolts bildirmişdi ki, Almaniyanın Rusiya Federasiyası ərazisinin dərinliklərinə endirmək üçün Ukraynaya uzaqmənzilli “Taurus” raketləri verməsi zərbələr üçün hədəflərə nəzarətin zəruriliyini nəzərdə tutur, bu da Almaniya tərəfinin münaqişədə birbaşa iştirakı deməkdir.

Hüseyn İbadlı