Avropa
Putinin nüvə həmləsinə Qərbin təhlükəli cavabı: Rusiya sərhədinə...
“Qərb Rusiya prezidenti Vladimir Putinin Belarus ərazisində nüvə silahı yerləşdirmək qərarından narahatdır, çünki gələcəkdə onlar ABŞ sərhədləri yaxınlığında da peyda ola bilər”.
Publika.az xəbər verir ki, bunu rusiyalı politoloq Dmitri Solonnikov bildirib.
“Qərb narahatdır, çünki indi o, Rusiyanın bütün hərəkətlərində özü üçün hansısa mənfi cəhətlər axtaracaq və Vladimir Putinin istənilən hərəkəti Qərbə qarşı təcavüz cəhdi kimi şərh olunacaq. Ona görə də Rusiyanın indi qarşılıqlı və müdafiə xarakterli hər hansı hərəkəti Qərb tərəfindən həmin Qərbə və Avropa İttifaqına hücum cəhdi kimi şərh ediləcək”, - Solonnikov deyib.
Qərb ölkələrinin nümayəndələrinin reaksiyasını şərh edən Solonnikov vurğulayıb ki, Moskva nüvə silahının yayılmaması ilə bağlı beynəlxalq öhdəliklərini pozmur - onları Minskə vermir, əksinə, ittifaq dövlətinin ərazisində saxlanmaq üçün yerləşdirir. Onun sözlərinə görə, Vaşinqton bunu on illərdir ki, edir.
“ABŞ silahlarını Rusiya sərhədlərinə yaxın Avropa dövlətlərinin ərazisinə yerləşdirir. Niyə biz silahlarımızı başqa dövlətlərin ərazisində yerləşdirə bilmirik? Bizə heç nə mane olmur”, - politoloq bildirib.
Solonnikov Qərbin Vladimir Putinin Belarusda nüvə başlıqları yerləşdirmək qərarına necə reaksiya verə biləcəyini açıqlayıb: “Konkret olaraq, bu bəyanatla bağlı heç bir tədbir görülməyəcək. Avropada silah istehsalı davam edəcək. ABŞ nüvə silahını Rusiya sərhədlərinə qədər sıxışdıracaq. NATO-nun yeni üzv ölkələrində görünəcək. İndi Finlandiyanı qəbul edəcəklər, orada da müxtəlif ABŞ silahları peyda olacaq. Bu, baş verəcək. Amma bunun konkret bəyanata cavab olduğunu söyləmək mümkün deyil. Bu, sadəcə olaraq ABŞ və Avropa dövlətlərinin tətbiq etdiyi davamlı siyasətdir”, - deyə Dmitri Solonnikov yekunlaşdırıb.
Akqabay
-
İdman01:11
Ronaldo het-trik etdi - VİDEO
-
Magazin100:15
Elzanın oğlu əsəbiləşib məclisi tərk etdi - FOTO
-
Magazin24 May 23:48
“Əsgərlər” serialının aktrisası VƏFAT ETDİ
-
Sosial4 May 21:10
“Green card” müraciətlərinin nəticələri AÇIQLANDI - YENİLƏNDİ
-
Magazin14 May 20:36
“Toppuş bacı”nın həyat yoldaşı yenidən ailə qurur? - FOTO
-
Art4 May 20:00
"Sehirli xalat"ın "Zərifə" və "Eldar"ı 60 il sonra - VİDEO
-
Kriminal4 May 19:55
Azərbaycanda həkim güllələnərək öldürüldü - TƏFƏRRÜAT/YENİLƏNDİ
-
Magazin14 May 19:12
Orxan Lökbatanlı SÖZ VERDİ: "Rəşad Dağlı azad olunanda..." - VİDEO