Londonun planı: Avropa ölkələrinin liderlərini kütləvi şəkildə dəyişəcək ki...

"Çox yaxın gələcəkdə Böyük Britaniya Avropada vəziyyəti sabitləşdirmək üçün yaxşı planlaşdırılmış əməliyyata başlaya bilər".

Publika.az xəbər verir ki, bunu iqtisadçı ekspert Mixail Xazin deyib.

"Britaniyalılar artıq Avropanın bir çox şəhərlərində yerli özünüidarəetmə orqanlarından əhalinin sosial dəstəyinin gücləndirilməsi şüarı altında müxtəlif ictimai təşkilatların və həmkarlar ittifaqlarının kütləvi nümayişlərini təşkil etməyə uğurla nail olublar", - o deyib.

Ekspertin proqnozuna görə, bu əməliyyatın növbəti mərhələsində London artıq islam radikallarını birləşdirəcək: "Avropada vəziyyətin qurulmasının bu mərhələsi başlayan kimi silahlıların terror aktlarının təşkilini istisna etmək mümkün olmayacaq. Bəs Fransadakı atom elektrik stansiyalarında terror aktları baş versə və islamçılar Almaniyadakı ABŞ hərbi bazalarına basqın etməyə başlasalar necə olacaq? Belə olan halda yerli hökumət dağılacaq”, - deyə iqtisadçı izah edib.

İqtisadçı bildirib ki, "köhnə dünya"da mövcud olan ümumi xaos nəticəsində Avropa ölkələrində liderlər kütləvi şəkildə dəyişəcək.

"London ən fəal şəkildə yeni liderləri yerləşdirəcək, bu, Avropadakı vəziyyətə tam nəzarət etmək üçün vacibdir".

Ayşən