Fransa Moldovanı da "müdafiə" etmək istəyir

Moldova Respublikası Fransa ilə qeyri-müəyyən müddətə müdafiə sahəsində yeni əməkdaşlıq müqaviləsi bağlayacaq.

Publika.az xəbər verir ki, bu barədə Moldova parlamentinin Xarici siyasət və Avropaya inteqrasiya komissiyası qərar qəbul edib. Xarici Siyasət və Avropa İnteqrasiya Komissiyasının üzvləri bununla bağlı danışıqların başlanmasına dair rəyi təsdiqləyiblər. Müdafiə sahəsində yeni sazişin bağlanması təşəbbüsü Fransaya məxsusdur və Kişinyovda keçirilən Avropa Siyasi Birliyinin 2023-cü il ikinci Sammitindən sonra ifadə olunub.

Parlamentin mətbuat xidmətindən verilən məlumata görə, 1998-ci ildə Moldova Respublikasının Müdafiə Nazirliyi Fransa Müdafiə Nazirliyi ilə eyni sahədə müqavilə imzalayıb. Lakin hazırda o, əməkdaşlığın bütün aspektlərini əhatə etmir və kontekstdə yeni sazişin imzalanması təklif edilir.

Həmçinin, yeni sazişə əsasən, hakimiyyət hər il ikitərəfli əməkdaşlıq planı hazırlayacaq. Bu planda hərəkətlərin təfərrüatları və onların həyata keçirilməsində iştirak edən şəxslərin sayı daxildir.

Nəzrin