Avropa

Fransada Makron dönəmi bitir: Yaxın ətrafı ilə danışdı, istefaya gedir

11 İyun 2024 12:16

Fransa prezidenti Emmanuel Makron partiyasının tam uğursuzluğundan və sağ qüvvələrin Avropa Parlamentinə seçkilərdə uğur qazanmasından sonra istefa verəcəyini istisna etmir.

Publika.az xəbər verir ki, bu barədə “Avropa 1” məlumat yayıb.

Radiostansiyanın məlumatına görə, Makron yaxın ətrafı ilə sağçıların növbədənkənar parlament seçkilərində mümkün qələbəsini müzakirə edib.

“İstefa tabu deyil, bu gün biz bütün ssenariləri nəzərə almalıyıq”, - deyə radiostansiya Fransa prezidentinə yaxın mənbədən sitat gətirib.

Qeyd edilir ki, bu variant açıq şəkildə üstünlük təşkil etmir, lakin prezidentin istefası perspektivi “qarşıdan gələn seçkiləri dramatikləşdirməyə” xidmət edə bilər.

Fransa prezidenti iyunun 9-da tərəfdarlarının Avropa Parlamentinə seçkilərdə məğlub olmasından sonra Milli Assambleyanı buraxıb. Onun İntibah Partiyası 14,6%, sağçılar isə 31,4% səs toplayıb.

Tural