Durova ŞOK TƏKLİF: "Bu, ən sadə üsuldur"

"Telegram" messencerinin yaradıcısı Pavel Durov Fransadan tezliklə qaçmalıdır.

Publika.az xəbər verir ki, bu barədə yerli Patriotlar partiyasının sədri Florian Filippo "X" sosial şəbəkəsindəki hesabında yazıb.

"O, Fransanı quru sərhədindən keçərək qaçmalıdır", - Filippo deyib.

Partiya sədri əlavə edib ki, hazırda Durov üçün respublikadan qaçmağın ən sadə üsulu budur.

Avqustun 24-də "Telegram"ın qurucusunu daşıyan şəxsi təyyarə "Paris Le Bourget" hava limanına eniş etdi. Sahibkar Azərbaycandan Fransaya gəlib. Lakin yerli hüquq-mühafizə orqanlarının əməkdaşları onu nəzarətə götürdükləri üçün hava limanını tərk etməyə vaxtı olmayıb.

Durov kiber və maliyyə cinayətləri məsələlərində əməkdaşlıqdan imtina etməkdə ittiham olunur. Söhbət onun sahibi olduğu messencer vasitəsilə həyata keçirilən hüquq pozuntularından gedir .

Avqustun 28-də məhkəmə rəsmi olaraq Durova qarşı ittiham irəli sürüb. O, elə həmin gün azadlığa buraxılsa da, “ciddi məhkəmə nəzarəti” altına alınıb.

Hüseyn İbadlı