Avropa

Rusiya bu əraziyə 50 minlik qoşun yeritdi: Ukraynadakı mövqeləri zəiflədi

11 Oktyabr 2024 09:10

Rusiya Kursk vilayətinə 50 min hərbi qulluqçu yerləşdirib, Ukrayna cəbhəsindəki mövqelərini zəiflədib.

Publika.az xəbər verir ki, bunu Ukrayna Silahlı Qüvvələrinin Ali Baş Komandanı Aleksandr Sirski bildirib.

O qeyd edib ki, Rusiya komandanlığı bu qüvvələri düşmənin hücum əməliyyatlarının aparıldığı digər cəbhələrdən köçürüb.

"Biz bilirik ki, başqa istiqamətlərdən 50 minə yaxın hərbçi Kursk istiqamətinə köçürülüb", - Sırski bildirib.

General onu da deyib ki, Rusiya qüvvələrinin Kursk vilayətinə köçürülməsi ilə əlaqədar digər istiqamətlərdə, xüsusilə Zaporojye, Xerson vilayətlərində və cəbhənin Kramatorsk istiqamətində düşmən qruplarının zəifləməsi müşahidə olunub.

“Bu, əlbəttə ki, müdafiə əməliyyatı keçirməyimiz üçün şəraiti asanlaşdırdı”, - deyə baş komandan yekunlaşdırıb.

Akqabay