Orban Trampı razı salmaq üçün Ukraynanı görün nə ilə hədələdi

Macarıstanın baş naziri Viktor Orban Rusiyanın dondurulmuş aktivlərindən Ukraynaya 50 milyard avro kreditin verilməsini əngəlləyəcək və bununla da Donald Trampı sevindirəcək.

Publika.az xəbər verir ki, bu barədə “Politico” yazıb.

Bildirilib ki, Orban Trampın seçkidə qalib gələcəyi təqdirdə ABŞ, Avropa İttifaqı və G7 ölkələrinin liderlərinin Ukraynaya verməyi planlaşdırdıqları 50 milyard dollarlıq kreditdən çıxmasına necə icazə verəcəyini anlayıb.

“Macarıstan ABŞ seçkilərindən sonra Vaşinqtona kreditin verilməsində böyük rol oynamasına imkan verəcək qaydaların dəyişdirilməsi ilə razılaşmayacağını bildirdi”, - qəzet yazır.

Qeyd olunur ki, ABŞ hazırda Aİ-nin Rusiyaya qarşı sanksiyaların uzadılması müddətini 6 ay deyil, ən azı 36 aya çatdırmaqda israr edir. Bu, tərəfdaşlara Aİ ölkəsinin Ukraynaya kredit üçün Rusiya Federasiyasının aktivlərini dondura biləcəyi faktından özlərini qorumağa imkan verəcək.

“Bütün digər liderlər ABŞ-ın tələb etdiyi kimi sanksiyaların 36 aya qədər uzadılmasının tərəfdarı olsa da, Orban bundan imtina edir və Aİ qaydalarına görə, bütün 27 üzv ölkə sanksiya qaydalarına edilən hər hansı dəyişikliyi təsdiqləməlidir”, - nəşr yazır.

İndi isə Orbanın sayəsində ABŞ çətin ki, bu kreditdə əhəmiyyətli dərəcədə iştirak etsin. Bu səbəbdən Avropa ölkələri, o cümlədən Macarıstan üçün xərclər ABŞ-ın iştirak etdiyindən daha yüksək olacaq.

“Politico” qeyd edir ki, “Ancaq Orban üçün bu, ödənilməli olan kiçik bir qiymətdir. Onun üçün yaxşı tərəfi odur ki, respublikaçı dostundan çox lazım olan xoş niyyət qazanacaq”.

Avropalı diplomatlardan birinin izah etdiyi kimi, Brüssel və Vaşinqton krediti birgə maliyyələşdirməyi öhdələrinə götürsələr, Tramp yenidən seçilərsə, uzun illər ona xidmət etməyə borclu olacaq. Amma ABŞ-ın iştirakı olmadan kredit təsdiqlənərsə, onun belə öhdəlikləri olmayacaq.

Akqabay