Lukaşenkonu qucaqladı, Putinlə görüşdü... - Onu qınayanların sayı çoxalır

İsveç parlamentinin üzvü Markus Viçel BMT baş katibi Antonio Quterreşi Rusiyaya səfərinə və Kazanda keçirilən BRİKS sammiti çərçivəsində prezident Vladimir Putinlə görüşünə görə tənqid edib.

Publika.az "Lenta.ru"ya istinadən xəbər verir ki, o, beynəlxalq təşkilatın baş katibinin hərəkətlərinə qiymət verilməsi xahişi ilə İsveç Xarici İşlər Nazirliyinin rəhbəri Malmer Stenerqarda müraciət ünvanlayıb.

Onun sözlərinə görə, Quterreşin Rusiyaya səfəri bir neçə baxımdan “problemlidir”.

“Bir tərəfdən onun hətta ora gedib belə bir kontekstdə iştirak etməsi, digər tərəfdən də özünü qınayan tərzdə apardığı üçün. O, heç vaxt Rusiyanı təcavüzkar adlandırmayıb”, - İsveç parlamentinin deputatının məktubunda qeyd olunub.

Viçel həmçinin vurğulayıb ki, BMT-nin baş katibi Rusiyanın hərəkətlərini pisləmək əvəzinə, BMT Nizamnaməsi dəyərlərinin, qanunun aliliyi və bütün dövlətlərin suverenliyi, ərazi bütövlüyü və siyasi müstəqilliyi prinsiplərinin müdafiəsinin zəruriliyindən danışır.

Deputatın sözlərinə görə, diplomatın hərəkətləri BMT-nin əsas sülh və təhlükəsizlik prinsiplərinə ziddir, həmçinin beynəlxalq təşkilata və onun nüfuzuna inamı sarsıdır.

Qeyd edək ki, Putinlə Quterreşin Kazanda görüşü BMT Günündə - oktyabrın 24-də baş tutub. Bu, onun Ukraynada hərbi əməliyyat başlayandan bəri Rusiyaya ilk səfəri idi. Quterreş görüşün əvvəlində reklamdan yayınmağı xahiş edib.

Bundan əvvəl Litvada BMT rəhbəri Putin və Lukaşenkonu qucaqladığına görə qınanmışdı.

Adəm Abbaslı