Avropa

Zelenski Kiyevin təhlükəsizliyini bu AZƏRBAYCANLIYA TAPŞIRDI - FOTO

1 Yanvar 2025 02:12

Ukrayna Prezidenti Volodimir Zelenski Kiyev Şəhər Hərbi Administrasiyasının (KŞHA) rəhbərliyində kadr dəyişikliyi edib.

Publika.az xəbər verir ki, bu, Prezident Aparatının saytında dərc olunan sənədlərdə əks olunub.

Zelenski bir fərmanla Sergey Popkonu KŞHA rəhbəri vəzifəsindən azad edib. O, bu vəzifəyə Teymur Firudin oğlu Tkaçenkonu (Məmmədov) təyin edib.

Tkaçenko dekabrın 31-də sentyabr ayından tutduğu Ukraynanın İcma və Ərazilərin İnkişafı nazirinin müavini vəzifəsindən azad edilib. Əvvəllər o, həm də Kiyev Şəhər Dövlət Administrasiyasının şəhərsalma şöbəsinin müdir müavini və Ukrpoştanın müşahidə şurasının üzvü olub.

Qeyd olunub ki, Kiyev Şəhər Hərbi Administrasiyası şəhərin təhlükəsizliyinin və müharibə şəraitində işləməsinin təmin edilməsində əsas rol oynayır.

Hüseyn İbadlı