150 qadına şprislə naməlum maddə vuruldu: İnsanları şoka salan hadisənin - TƏFƏRRÜATI

Fransada küçə musiqisi festivalı zamanı naməlum şəxslər 145 yeniyetməyə şprislər vurublar.

Publika.az xəbər verir ki, “New York Post”un (NYP) məlumatına görə, hüquq-mühafizə orqanları 50-yə yaxın qurbana hücumda şübhəli bilinən ondan çox şübhəlini, o cümlədən Fransanın qərbindəki Anqulem şəhərindən olan dörd nəfəri saxlayıb.

“Şənbə günü Fransada keçirilən ümummilli musiqi festivalında əksəriyyəti yeniyetmə qızlar olan 150-yə yaxın konsert iştirakçısı qəribə şpris hücumuna məruz qalıb”, - məlumatda deyilir.

Naməlum maddənin vurulması nəticəsində bir neçə qurbanın xəstəxanaya yerləşdirildiyi bildirilir. Bir versiyaya görə, təcavüzkarlar qurbanlara insanları zorakı hərəkətlərə müqavimət göstərməyi dayandırmağa məcbur edən dərmanlar vura bilərdilər.

“Le Parisien” qəzetinin məlumatına görə, Fransanın hər yerindən polisə iynə vurulması ilə bağlı 145 şikayət daxil olub, onlardan 20-dən çoxu paytaxtın İle-de-Frans bölgəsində, o cümlədən 13-ü Parisdə olub. Ən azı üç nəfər, 15 yaşlı qız, 18 yaşlı yeniyetmə və bir qadın inyeksiyalardan sonra özünü pis hiss etdiyini bildirib.

Fransada küçə musiqisi festivalı başlayandan bəri hüquq-mühafizə orqanlarının əməkdaşları 300-dən çox insanı saxlayıb. “Franceinfo”nun məlumatına görə, 13 polis əməkdaşı yaralanıb.

Paris prokurorluğu festivalın mütəmadi olaraq "cinsi hücumlar, bıçaqlanmalar və polisə atılan əşyalarla" qeyd edildiyini bildirib.

Tural