Ağstafa sakini olan Telman İsmayilov Poylu kəndində mini zoopark yaradıb. Orada meymun və 11 növ quş bəslənilir. Heyvanlara tamaşa etmək üçün həmin məkana üz tutanların sayi da kifayət qədərdir.
Meymun, tutuquşu, tovuzquşu və müxtəlif növ digər quşlar.
Görüntülər Ağstafanın Poylu kəndindəndir. Rayon sakini olan Telman İsmayılov kənddəki istirahət mərkəzində bu cür mini-zoopark yaradıb. Burada meymun və 11 növ quş var.
Bu məkan həm kənd sakinlərinin, həm də bura gələn qonaqların diqqətini çəkir. Böyüklü-kiçikli hərkəs heyvanlara yaxınlaşıb şəkilini çəkə, eləcə də yemləyə bilirlər.
Heyvanları bəsləyən Telman İsmayılov bəzən onların kaprizləri ilə də üzləşdiyini deyir. İstədikləri yemi vermədikdə və ya gecikdirdikdə canlılar bəzən ona hücum çəkirlər.
Xüsusi baytar nəzarətində olan canlıların artırılması üçün ərazidə əlavə yerlər də hazırlanıb. Artırılan quşlar satışa çıxarılmır. Yalnız insanlara xoş aura bəxş etmək üçün qəfəslərdə saxlanılır.
.jpg)
.jpg)
