Suşi yedi, qurda yoluxdu – FOTOLAR

Yaponların milli yeməyi hesab olunan suşi ilə qidalanan Çin sakini qarında ağrı və dəridə qaşınma əlamətləri ilə xəstəxanaya çatdırılıb. Həkimlər onun halını müayinə etdikdən sonra şoka düşüblər. Çünki rentgen müayinəsi zamanı çinli kişinin bütün bədənini qurd basdığı aşkara çıxıb.

Lentvari qurdun yumurtalarına bulaşmış xam qidanı qəbul edən çinli kişi nəticədə özü də qurda yoluxub. Bu tipli infeksiyalar həyat üçün təhlükəli hesab olunur.

Rentgen müayinəsi zamanı məlum olub ki, kişinin bütün daxili orqanizmi qurdlarla örtülüb. Qeyd edək ki, tədqiqatçılar parazitlərin çiy və ya yaxşı bişirilməmiş qida qəbulu nəticəsində bədənə düşdüyünü bildirirlər.

Diphylloboyhrium adlı qurd yumurtaları qızılbalıq da daxil olmaqla şirin suda yaşayan balıqlarda rast gəlinir. Balığı çiy yeməklə yumurtaların bədənə düşmə ehtimalı yaranır ki, onlar da sonra qurda çevrilir. Maraqlısı odur ki, bu yumurtalar marinə edilmiş və hisə verilmiş balıqdan da keçə bilər.

Balıqdan bədənə qurdun düşməsi hadisəsinə təkcə kasıb ölkələrdə deyil, inkişaf etmiş ölkələrdə də rast gəlinir. Alimlər bunun səbəbini suşidən çox istifadə etməklə izah edirlər.

Nura