Hamilə qadın alliqatorla güləşdi – FOTOLAR

Florida ştatının sakini hamiləliyinin 8-ci ayında olmasına baxmayaraq, sözün əsl mənasında alliqatorla güləşir.

Adətən, hamilə qadınlar gələcək körpəsinin sağlamlığı naminə bir çox zərərli vərdişlərdən imtina edirlər. Lakin hamiləliyinin 8-ci ayında olan Marta Rivera qorxmadan timsahla mübarizəyə atılır.

Xarici mətbuatın verdiyi məlumata görə, Rivera və əri Ceffri, artıq 2 ildir ki, Florida ştatında yerləşən Everqleyds Milli parkında könüllü şəkildə işləyirlər. Cütlük əvvəlcə timsahları yemləməklə məşğul olub, lakin sonradan turistlər arasında məşhur olan "Kroko-restlinq"şoularında iştirak etməyə başlayıb.

Marta hamilə qalandan sonra da timsahlarla güləşməyi dayandırmayıb.

Qadının dediyinə görə, o, yırtıcının üstünə çıxaraq sinəsi və çənəsi ilə timsahın ağzını sıxarkən özünü tamamilə təhlükəsiz hiss edir.

Marta yerli mətbuata deyib: "Çalışıram hüdudlarımı aşmayım. Timsahlardan hansı ilə işləyib-işləməyəcəyimi bilirəm. Hansı trüklərin təhlükəsiz olduğunu də bilirəm. İnanın ki, mən nə özümün, nə də heyvanın həyatını təhlükə altına qoya bilərəm".

Amma iki həftə bundan qabaq Marta sonuncu şousunu göstərib və bundan sonra hamiləliyi ilə əlaqədar tamaşalarda iştirakını dayandırdığını elan edib.

Nura