Bahar mövsümünün ən romantik saç aksessuarları - FOTOLAR

Yaz və yay ayları saç aksessuralarından istifadə etmək üçün ən uyğun zamandır. Bu fürsətdən istifadə edib mövsümün ən gözəl saç aksessuarlarıyla stilinizi təkrarolunmaz edə bilərsiniz.

Bu işdə sizə kömək etmək üçün Publika.az 2015-ci ilin ən dəbli və zövqlü saç aksessuarlarını təqdim edir:

Bahar çiçəkləri

Bu mövsüm çiçəkli saç bandları dəbdə olacaq. “Dolce&Gabbana”nın yaz-yay kolleksiyasında bu aksessuarları görmək mümkündür.

Saçlarınızı olduğundan daha gözəl və baxımlı göstərməyə qadir olan bu aksessuarlar şıq bir stil üçün əvəzolunmazdır.

Çiçəkli saç aksessuarlarından istifadə etdikdə pastel tonlarında dodaq boyası çəkib, sadə göz makiyajı etməlisiniz.

Retro

Bahar mövsümündə 60- 70-ci illərdən ilham alan geyim və aksessuarlar dəbi ələ keçirəcək. Ona görə də heç çəkinmədən daş-qaşla, inciylə bəzədilmiş dəbdəbəli saç aksessuarlarını sınaqdan keçirin.

Qızılı bandlar

Qızıl rəngli bu aksessuarlar üzərlərindəki çiçək, dəniz qabığı və digər bəzəklərlə əsl bahar əhval-ruhiyyəsini əks etdirirlər.

Açıq və ya yarı toplanmış saçlarda istifadə etmək olar.

Balerina

Balerinalardan ilham alaraq hazırlanan bu saç aksessuraları həm şıq libaslarla, həm də idman stiliylə uyğunlaşır.

At quyruğu toplanmış saçlarla əla uyğunlaşır. Sadəliyi və rahatlığı sevirsinizsə, sizin üçün ən ideal seçim bu aksessuarlardır.

Kiçik yaylıqlar

Bu yaylıqları müxtəlif cür bağlamaq mümkündür. Tək bir yaylıqla 5-6 saç modeli yarada bilərsiniz. Xüsusilə, çimərlik mövsümündə yaylıqların dəbin zirvəsini ələ keçirəcəyi gözlənilir. Rəngarəng yaylıqları qolunuza və ya çantanıza bağlayaraq özünəməxsus stilinizi vurğulaya bilərsiniz.

Ləman Sultan