Parlament sədri Amerika agenti çıxdı – ŞOK İDDİA

Venesuela prezidenti Nikolas Maduro ölkə parlamentinin (Milli Məclis) yeni başçısını müxalifətin nəzarətində olan Amerika agenti adlandırıb.

Publika.az “RİA-Novosti” agentliyinə istinadən xəbər verir ki, prezident bu haqda ölkənin dövlət televiziyasının efirində deyib.

“O marionetkadır, ABŞ tərəfindən yaradılmış kəşfiyyat orqanlarının agentidir”, - Maduro bildirib.

Qeyd edək ki, Xuan Quaido bir neçə gün əvvəl parlamentin sədri vəzifəsinə başlayıb. Milli Məclis faktiki olaraq, hazırda Cənubi Amerika ölkəsində siyasi qərarların qəbulu sistemindən çıxarııb. Prezident onun əvəzinə tamamilə hökumətin nəzarətində olan Müəssislər Məclisini çağırıb.

Daha əvvəl “Lima Qrupu” ölkələri (Amerika qitəsinin 12 dövləti daxildir) bildirib ki, Nikolas Maduronun yeni prezident müddətinin qanunauyğunluğunu tanımırlar və ondan yeni prezident seçkilərini təyin etməyi, həmçinin hakimiyyəti parlamentə verməyi tələb edirlər. Maduro mayda seçkilərin nəticələrinə görə qalib gəlib, ancaq dünyanın əksər ölkələri onun qələbəsini tanımayıb. Onun yeni prezident müddəti yanvarın 20-də başlayır və 2025-ci ilə qədər davam edəcək.

Ömər