Digər

Qəzaya uğrayan təyyarənin sərnişininin son mesajı yayımlandı: qohumuna deyib ki...

29 Dekabr 2024 23:51

Cənubi Koreyanın Muan hava limanında qəzaya uğrayan təyyarənin sərnişini faciədən bir müddət əvvəl qohumuna quşla toqquşma barədə məlumat verib.

Publika.az xəbər verir ki, bu barədə "News1" agentliyi məlumat yayıb.

O, yerli vaxtla səhər saat 9 radələrində yazıb: "Quş vurdu, biz yerə enə bilmirik".

Qohumunun bunun nə vaxt baş verdiyini soruşduqda, sərnişin “indi” cavabını verib və əlavə edib ki, bəlkə də vəsiyyət etmək vaxtıdır.

Bu zaman yazışmalar sona çatıb, sərnişindən başqa mesaj alınmayıb.

Xatırladaq ki, qəza bazar günü yerli vaxtla saat 9:07 (Moskva vaxtı ilə 4:07) radələrində Banqkokdan Muana 7C2216 reysini həyata keçirən Boeing 737-800 təyyarəsi Muan hava limanına enərkən baş verib. Təyyarə hasara çırpıldıqdan sonra yanğın başlayıb. Təyyarədə 181 nəfər olub, yalnız iki ekipaj üzvü - bir kişi və bir qadın sağ qalıb, onlar ağır və orta dərəcəli bədən xəsarətləri alaraq xəstəxanaya yerləşdiriliblər.