Bu şəxslərə birdəfəlik müavinət veriləcək - Məbləğ

Tailand hökuməti sentyabrın 25-də 14 milyard dollar dəyərində iqtisadi stimullaşdırma proqramına start verib və bu proqram çərçivəsində on milyonlarla vətəndaşa 10,000 baht (300 dollar) müavinət vəd edilib.

Publika.az xəbər verir ki, bu barədə "Financial Times" yazıb.

Məlumata görə, birinci mərhələdə əhalinin ən həssas təbəqələrindən olan 14,5 milyon vətəndaş, dövlət sosial təminat kartlarının sahibləri və əlilliyi olan şəxslər pul alacaqlar. Proqramda iştirak etmək üçün ümumilikdə 36 milyon insan qeydiyyatdan keçib. Maliyyə naziri Pichai Chunhavajira məhdud büdcənin olduğunu bildirib.

Əvvəlcə, pulların smartfon tətbiqi vasitəsilə vəsaitlərin paylanması üçün xüsusi olaraq hazırlanmış “rəqəmsal pul kisəsi”nə köçürülməsi planlaşdırılırdı, lakin onlar sxemin həyata keçirilməsini təxirə salmağa qərar verdilər. Pullar birbaşa alıcıların bank hesablarına yatırılacaq.

Hakim Pheu Thai (Taylar Naminə) Partiyası hesab edir ki, tədbir istehlakı və biznes fəaliyyətini stimullaşdıracaq və bu da öz növbəsində iqtisadi artıma səbəb olacaq. 2023-cü ildə Taylandın ÜDM artımı 1,9% təşkil edib ki, bu da gözləniləndən daha pis olub. Ölkə ev təsərrüfatlarının borcu, zəif ixrac və turizm gəlirlərinin azalması səbəbindən regional qonşularından geri qalır (müqayisə üçün İndoneziya iqtisadiyyatı 5% artıb).

FT-yə müsahibə verən ekspertlər hesab edirlər ki, tədbir məhdud, birdəfəlik təsirə malik olacaq və çətin ki, iqtisadi artıma böyük töhfə verə. Bəzi iqtisadçılar ödəniş proqramının tam həcmdə həyata keçiriləcəyinə şübhə ilə yanaşırlar.