Kim Çen In sarayının yerində gizli nüvə bazası tikib - Peykdən FOTO yayıldı

Şimali Koreya lideri Kim Çen In Pxenyanda nüvə raket buraxılış məntəqəsi yaradıb.

Publika.az xəbər verir ki, bu barədə "The Telegraph" peyk görüntülərinə istinadən yazıb.

Analitiklər Pxenyanın kənarında yerləşən ərazidə uzaqmənzilli raketlərin buraxılması üçün ideal olan konkret bazanı aşkar etmək üçün yaxın infraqırmızı şəkillərdən istifadə ediblər.

Gizli baza Kim Çen Inın 2024-cü ildə sökülən iqamətgahının - Qış sarayının yerində tikilib. Üstəlik, həmin ərazi qolf meydançası kimi kamuflyaj olunub. İşlər noyabrda başa çatıb və kompleks indi sınaq üçün istifadə oluna bilər.

Qeyd olunur ki, görüntülərin ətraflı təhlili bu raketin buraxılış qurğuları və onların yerləşdirilməsi üçün uyğunlaşdırıldığını sübut edə bilər. Sahənin beton bazası var. İyun ayında tikilmiş və sonra çəmənlik yetişdirildiyi nazik bir torpaq təbəqəsi ilə örtülüb.

Ceyms Martin Nüvə Silahlarının Yayılmaması Araşdırmaları Mərkəzinin ekspertləri qeyd ediblər ki, məhz bu beton hissəciklər uzaqmənzilli ballistik raketlərin buraxılması üçün istifadə olunur.

Akqabay