Putin və Tramp tezliklə razılıq ələ edəcək: Çin bu ərazidən İMTİNA EDİR

Pekin Moskva və Vaşinqton arasında mümkün əməkdaşlıq razılaşması səbəbindən Arktika regionunda mövcudluq siyasətinə yenidən baxacaq.

Publika.az xəbər verir ki, bu barədə Honq-Konqun "South China Morning Post" qəzeti mənbələrə istinadən məlumat yayıb.

Nəşrin mənbələrinə görə, geosiyasi gərginlik Çinin Arktikanın təbii sərvətlərinə çıxış əldə etmək və region ərazisini idarə etməkdə marağını azaldıb. Pekin əvvəllər Arktika məqsədlərini “çox aqressiv tonda” bəyan edib və özünü “Arktikaya yaxın dövlət” adlandırıb. Çinin ambisiyaları region dövlətlərinin mənfi reaksiyasına səbəb olub.

İndi isə Çin “Arktika dövləti” terminindən istifadə etməyi dayandırıb ki, bu da Çinin Arktikaya marağının geri çəkilməsini və ya əhəmiyyətli dərəcədə azaldığını göstərə bilər.

Ekspertlərin fikrincə, ABŞ və Rusiya liderləri Donald Tramp və Vladimir Putin Arktika ilə bağlı açıq şəkildə Çini regiondan çıxarmaq məqsədi daşıyacaq razılaşma əldə edə bilərlər.

Martın 12-də "RİA Novosti" Rusiya Xarici İşlər Nazirliyinə istinadən yazıb ki, Rusiya ilə Çin arasında münasibətlər dinc xarakter daşıyır və Arktikada heç kimə qarşı yönəlməyib.

Bundan əvvəl ABŞ və Rusiya arasında Arktikada birgə layihələrə dair ilkin danışıqların aparıldığı bildirilirdi.

Akqabay