Şok iddia: Əsəd saatlarla bu işlə məşğul olur

Almaniyanın məşhur “Die Zeit” qəzeti Suriyanın keçmiş rəhbəri Bəşər Əsəd barədə maraqlı məlumat yayıb.

Publika.az xəbər verir ki, nəşr keçmiş dövlət başçısını uşaqlıqdan tanıyan mənbəyə istinadən yazıb ki, ölkəni tərk etdikdən sonra Rusiyada sığınacaq almış siyasətçi ailəsi ilə birlikdə Moskva şəhərində yaşayır. O, saatlarla onlayn oyunlar oynayır.

"Əsəd aşağısında alış-veriş mərkəzi olan yüksək mərtəbəli bir binada yerləşən üç mənzildə yaşayır. O, arabir mərkəzi ziyarət edir və qalan vaxtlarını saatlarla onlayn oyunlar oynamaqla keçirir",- mənbə bildirib

"Die Zeit"ə maraqlı informasiyalar verən suriyalı onu da qeyd edib ki, o, Suriyanın keçmiş liderinin hazırki həyat tərzi ilə bağlı məlumatları etibarlı mənbələrdən alıb. Bununla belə, jurnalistlər yazırlar ki, hazırda onlara ötürülən bu məlumatın doğruluğunu yoxlamaq mümkün deyil.

O, həmçinin bildirib ki, sabiq dövlət başçısı Moskva vilayətindəki bağ evinə də tez-tez baş çəkir. Mənbə vurğulayıb ki, həmin ərazilərə özəl mühafizə şirkəti nəzarət edir.

Məqalə müəllifləri qeyd ediblər ki, Əsəd ailəsinin Moskva şəhərində təxminən 20 mənzili var. Bu mənzillərin 76 mərtəbəli "Moskva-Siti"də yerləşdiyi ehtimal edilir.

Nəşrin məlumatına görə, etibarlı mənbənin özü Suriyanı hələ 2011-ci ildə tərk edib və hazırda Avropada yaşayır. O, əvvəllər yüksək rütbəli hərbi vəzifə tutub və Əsədlə fikir ayrılığı səbəbindən vətənini tərk edib.

Tural