Keçmiş baş nazirin dəfnində izdiham yarandı, yüzlərlə insan xəsarət aldı

Keniyanın keçmiş baş naziri Raila Odinqanın dəfn mərasimində yüzlərlə insan xəsarət alıb.

Publika.az xəbər verir ki, bu barədə yerli "The Standard" qəzetinin sosial şəbəkə hesabında məlumat yayılıb.

"Keçmiş baş nazir Raila Odinqanın ictimaiyyətə açıq olan dəfn mərasimi zamanı izdiham yaşanıb. İnsanların Kisumu şəhərindəki Como Kenyatta Beynəlxalq Stadionunda toplanması nəticəsində yüzlərlə mərasim iştirakçısı xəsarət alıb. Bir neçə nəfər yorğunluq və gərginlikdə olmasından huşunu itirib, Keniya Qızıl Xaç Cəmiyyətinin əməkdaşları ilkin tibbi yardım göstərərək yaralıları təxliyə ediblər", - paylaşımda deyilir.

Xatırladaq ki, Odinqa oktyabrın 15-də vəfat edib. O, 1992-ci ildən ölkə parlamentində çalışıb. 2000-ci illərdə energetika naziri vəzifəsində çalışmış Odinqa daha sonra Yol, Tikinti və İctimai İşlər Naziri olub. Odinqa həmçinin beş dəfə prezidentliyə namizədliyini irəli sürüb, lakin heç vaxt seçkilərdə qalib gəlməyib. O, Baş nazir vəzifəsində çalışıb və müasir Keniya tarixində əsas fiqurlardan biri olub. Çoxları üçün o, demokratiya, ədalət və islahatlar uğrunda mübarizənin simvolu olub.

Tural