Bahalı smartfonların oğurluğu ilə məşğul olan mafiya zərərsizləşdirildi

Hindistanın paytaxtında maraqlı fəaliyyəti ilə diqqət çəkən cinayətkar dəstə zərərsizləşdirilib.

Publika.az "The Week"ə istinadən xəbər verir ki, polis premium smartfonları oğurlamaqda ixtisaslaşmış cinayətkar qrupun dörd üzvünü həbs edib. Əməliyyat zamanı iPhone 17 Pro Max, iPhone 16 seriyası və Samsung S24 Ultra da daxil olmaqla 40 müasir telefon müsadirə edilib.

Hüquq-mühafizə orqanlarının məlumatına görə, cinayətkarlar konsertlər, qatar stansiyaları və digər insanların gur olduğu məkanları, izdihamlı yerləri hədəfə alıblar. Onlar oğurluqdan dərhal sonra xüsusi təhlükəsizlik siqnalını bloklamaq və "Find My iPhone" funksiyasının, uzaqdan kilidləmə vasitəsilə izləmənin qarşısını almaq üçün cihazları, xüsusən də iPhone-ları alüminium folqaya bükürlərmiş.

Daha sonra telefonlar bir neçə saat ərzində Qaziabaddakı xüsusi bazarda satılırmış.

Müsadirə edilən 20-dən çox smartfon 7 dekabrda A.P. Dhillon-un IGI Stadionunda verdiyi konsert zamanı oğurlanıb. Qalan smartfonlar isə Dehlinin müxtəlif polis bölmələrində qeydiyyatda olub.

Tural