Venesuelada prezident iqamətgahı belə vuruldu - VİDEO

Venesuelanın paytaxtı Karakasda prezident iqamətgahına gedən yollar bağlanıb. Polis qüvvələri prezident iqamətgahının olduğu Miraflores ərazisində gəzərək, ərazini nəzarətdə saxlayır və təhlükəsizliyi qoruyur.

Publika.az xarici KİV-lərə istinadən xəbər verir ki, atəşin əsas hədəfi də elə bu ərazi olub.

Prezident Nikolos Maduronun iqamətgahı ilə yanaşı, müdafiə naziri və Venesuela limanı da hava zərbələrinə məruz qalıb.

ABŞ ordusunun nümayəndəsi müdaxilə ilə bağlı açıqlama verməkdən imtina edib, Kolumbiya prezidenti isə BMT və Amerika Dövlətləri Təşkilatında (OAS) Venesuelaya qarşı bombardmanlarla bağlı təcili iclas çağırıb.

Vaşinqton isə rəsmi olaraq xüsusi əməliyyatın başladığını elan etməyib.

11:12

Bu gün səhər saatlarında Venesuelanın paytaxtı Karakasın cənub hissəsində güclü partlayışlar baş verib.

Publika.az xəbər verir ki, bu barədə "Reuters" agentliyi hadisə şahidlərinə istinadən məlumat yayıb. Şahidlərin verdiyi məlumata görə, böyük bir hərbi bazanın yerləşdiyi cənub rayonu işıqsız qalıb.
Qeyd dilib ki, paytaxt sakinləri səhər tezdən yüksək səslər eşidiblər. Hadisənin səbəbi və bunun şəhərin ümumi infrastrukturuna təsiri ilə bağlı təfərrüatlar hələlik məlum deyil.

Qeyd edək ki, son zamanlar ABŞ ilə Venesuela arasında münasibətlər xeyli gərginləşib. Ağ Ev Nikolas Maduro hökumətinə təzyiq göstərmək üçün Mərkəzi Kəşfiyyat İdarəsinə ölkədə gizli əməliyyatlar aparmaq səlahiyyəti verib.

Tural