Toyda dəhşət: Ofisiant uşağı şirniyyata görə təndirə atdı - FOTO

Hindistanda toy mərasimi zamanı dəhşətli cinayət hadisəsi baş verib.

Publika.az NDTV-yə istinadən xəbər verir ki, ofisiant 11 yaşlı uşağı təndirə atıb. Qaynar təndirdən çıxarılan uşaq ağır yanıq xəsarətləri ilə xəstəxanaya yerləşdirilib.

Qeyd edilib ki, 11 yaşlı oğlan nənəsi ilə birlikdə ailə şənliyində iştirak edirmiş. "O, yeməklərin düzüldü masaya tərəf gedib və şirniyyat götürməyə çalışıb. Ofisiant isə uşağın hələlik tam hazır olmayan masaya əl uzatmasından məmnun qalmayıb. Oğlan dəfələrlə geri qayıdaraq şirniyyatlardan dadıb. Bundan qəzəblənən ofsiant azyaşlı müştərini tutaraq isti təndirə sobaya tərəf atıb. Oğlan təndirə düşməmək üçün cəhd göstərsə də, tarazlığını itirib odun üstünə yıxılıb. Toy mərasiminə gələnlər oğlanın qışqırıqlarını eşidiblər və azyaşlını dərhal təndirdən çıxarmağı bacarıblar. Uşaq ağır yanıq xəsarətləri ilə ağır vəziyyətdə xəstəxanaya yerləşdirilib. Ofisiant hadisə yerindən qaçıb və polis tərəfindən axtarılır",- nəşr yazıb.

Müəllif: Tural