Polis məktəblini içirdib təcavüz etmək istədi - İlginc cinayətin detalları

Hindistanda maraqlı cinayət hadisəsi baş verib.

Publika.az "Times of India"ya istinadən xəbər verir ki, Hindistanın Çennay şəhərində polis 16 yaşlı məktəbliyə alkoqollu içki verərək ona təcavüz etməyə çalışıb. 35 yaşı polis yeniyetmənin cəsarətli davranışları nəticəsində ifşa olunaraq həbs edilib.

"Yeniyetmə yay tətilində əmisini ziyarət etmək üçün qohumugilə gedibmiş. Bir gün ailənin tanıdığı bir polis məmuru da onlara ziyarətə gəlib. Evin kişiləri spirtli içki içməyə başlayıblar və bir müddət sonra əmi yuxuya gedib. Gecənin yarısında polis azyaşlının otağına gizli şəkildə girə bilib. Həmin vaxt məktəbli televizora baxırmış. Təcavüzkar onu spirtli içki içməyə məcbur edib və sonra azyaşlıya təcavüz etməyə cəhd edib",- məqalədə yazılıb.

Qeyd edilib ki, yeniyetmə qışqırıb və televizorun pultu ilə təcavüzkara bir neçə dəfə zərbə endirib. Məhz bu zərbələrin sayəsində o, otaqdan qaça bilib: "Otaqdan çıxa bilən azyaşlı özünü itirməyərək qapını kişinin üzünə bağlayıb. Bundan sonra o dərhal polis bölməsinə qaçıb. Hüquq-mühafizə orqanlarının əməkdaşları cinayət törədən həmkarını həbs ediblər. Hazırda mediada gündəmə çevrilən bu hadisə ilə bağlı istintaq aparılır".

Müəllif: Tural