Zəlzələ qurbanlarının sayı 51-ə çatdı
Bizi izləyin

Digər

Zəlzələ qurbanlarının sayı 51-ə çatdı

Zəlzələ qurbanlarının sayı 51-ə çatdı

İndoeziyada zəlzələ qurbanlarının sayı 51 nəfərə yüksəlib.

Publika.az xəbər verir ki, bu barədə "Reuters" yerli hakimiyyət orqanlarına istinadən məlumat yayıb.

Məlumata görə, təbii fəlakət nəticəsində azı 51 nəfər həlak olub, 36 nəfər ağır, 77 nəfər yüngül xəsarət alıb, 5 minə yaxın insan isə təxliyə edilib. Xilasedicilər hələlik itkin düşənlərin dəqiq sayını müəyyən edə bilmirlər.

7,7 maqnitudalı zəlzələ avqustun 15-i səhər saatlarında İndoneziyanın şərqində, Şərqi Nusa-Tenqara əyalətində baş verib.

Zəlzələ 1,3 mindən çox evə ziyan vurub. Bir sıra rayonlarda elektrik enerjisi təchizatında fasilələr yaranıb, bu səbəbdən 20-yə yaxın yanacaqdoldurma məntəqəsi fəaliyyətini dayandırıb.

Fəsadların aradan qaldırılmasına 3,5 mindən çox hərbi qulluqçu və polis əməkdaşı cəlb edilib. Region rəhbərliyi zərərçəkənlərə yardımın göstərilməsini sürətləndirmək üçün fövqəladə vəziyyət elan olunması imkanını nəzərdən keçirir.

Oxumağa davam et
Reklam
Reklam

Gündəm

Zəfaran Hospital
Səba