Türkiyənin baş naziri Əhməd Davudoğlu bir neçə gün bundan əvvəl Ankarada baş vermiş terror partlayışlarının sifarişçilərinin müəyyənləşdirilməsi ilə bağlı təhqiqat işinin gedişindən danışıb.
Publika.az bu ölkənin mətbuatına istinadən xəbər verir ki, baş nazir yerli telekanallardan birinə müsahibəsində terror partlayışlarının təşkilatçılarının müəyyənləşdirilməsi işində yeniliyin olduğunu deyib:
“Biz terror partlayışları sifarişçilərinin əlaltılarını müəyyən etdik. İndi isə həmin əlaltıları yönəldənlərin müəyyənləşdirilməsinin ikinci mərhələsindəyik.
Bunu çox qürurla ifadə etmək istəyirəm – terror hücumunun sifarişçilərinin müəyyənləşdirilməsinin ikinci mərhələsində bəzi ünsürləri müəyyən etdik. Bu olayda digər əli olanları üzə çıxarmaq istiqamətində gərgin əmək sərf edirik".
Baş nazir qeyd edib ki, terrorçuların bir hədəfi var: “Bu hədəfə çatmaq üçün isə xaos şəraiti mövcuddur. Xaosdan təxribat yaratmaq üçün yararlanmağa çalışırlar”.
Anar
