Dünya

Babasının doğum gününü raket atəşi ilə qeyd edəcək

14 Aprel 2016 12:52

Pxenyan Koreya Xalq Demokratik Respublikasının qurucusu Kim İr Senin ad gününü raket sınağı ilə qeyd edəcək.

Publika.az “RİA-Novosti” agentliyinə istinadən xəbər verir ki, bu barədə Cənubi Koreyanın “Yonxap” agentliyi bildirib.

Agentliyin məlumatına görə, ölkənin şimali-şərqindəki Vonsan şəhərinin yaxınlığında yerləşdirilən “Musudan” orta mənzilli ballistik raketlər Kim İr Senin doğum günündə - 15 apreldə işə salına bilər. Qeyd edilir ki, Koreya Xalq Demokratik Respublikası ordusu təxminən 20 gün əvvəl hazırlıqlara başlayıb.

“Musudan” tipli ballistik raketin uçuş məsafəsi təxminən 3-4 min kilometr təşkil edir. Beləliklə, raket ABŞ-ın Alyaska ştatı və ya Quam (Sakit okeanında Marian adaları qrupuna daxil olan ən böyük adadır. Hüquqi baxımdan muxtar statusa malikdir, eyni zamanda ABŞ-ın federal torpaqlarından hesab olunan Quamda ABŞ hərbi qüvvələrinin böyük bazası var) adasını vurmağa qadirdir.

Ömər Dağlı