Dünya
NATO üzv ölkələrini müdafiə etməyə hazırdır
Şərqi Avropada baş verən son hadisələr və Rusiya ilə gərginliyin artması NATO-nun genişlənməsi ilə bağlı müzakirələrin canlanmasına səbəb olub. Moskva bu addımı təxribat olaraq görür. NATO liderlərinin gələn ayın əvvəli Varşavada sammit keçirməyə hazırlaşdığı bir vaxt məsələ daha da aktuallaşır.
Monteneqronun NATO-ya qoşulmaq prosesinə başlaması ittifaqın gələcəkdə Balkanlar və digər ölkələrdə genişlənməsi perspektivi məsələsini gündəmə gətirib.
Makedoniyanın müdafiə naziri deyir ki, NATO hüdudlarından kənarda yerləşən bu ölkənin bloka üzvlüyü yeganə alternativdir.
“NATO-nun cənub-şərqi Avropa ölkələri və Balkanlarda genişlənməsi ilə Balkan ölkələrində inkişaf və sabitlik də artacaq,” deyə Zoran Yolevski bildirib.
Genişlənmədən əlavə NATO qüvvələrinin Baltikyanı dövlətlər, Polşa və Rumıniyada yerləşdirilməsi məsələsi də Varşava sammitində müzakirə obyekti olacaq. ABŞ-ın NATO-dakı keçmiş nümayəndəsi Kurt Volker alyansın bu regionda mövcudluğunun mühüm olduğunu deyir.
“Bu, Rusiya daxil olmaqla hər kəsə işarədir ki, NATO öz üzvlərini müdafiə etməyə hazırdır. Bu isə çox çox vacibdir. Hətta müdafiə büdcəsinin və ABŞ-ın öhdəliyinin azalmasına baxmayaraq belə, bu addım olduqca mühümdür,” deyə o bildirib.
Lakin NATO-nun şərq sərhədlərində qüvvələrini yerləşdirmək və ittifaqın üzvlərinin sayını artırmaq qərarı Rusiya prezidenti Vladimir Putin tərəfindən təhlükə kimi qəbul edilir.
“Onun məqsədi NATO-nu geri addım atmağa vadar etməkdir. O, Avropanı, NATO-nu bölmək istəyir, NATO-nun Rusiya ilə sərhəddə yerləşən üzv ölkələrini müdafiə etməməsini istəyir. NATO-nun isə bunu qəbul etməməsi çox vacibdir,” deyə Kurt Volker bildirib.
NATO-nun şərq cinahında qüvvələr yerləşdirməsinə cavab olaraq, Rusiya bu ilin sonuna qədər qərb və cənub sərhədlərinə 30 min əsgərdən ibarət üç hərbi bölmə yerləşdirməyə söz verib.
-
İdman01:15
Arda tarixi matçında belə qol vurdu - VİDEO
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan
-
Hadisə26 Aprel 21:47
Dörd aylıq körpə binadan necə düşüb? - Hadisə yerindən GÖRÜNTÜLƏR
-
Magazin126 Aprel 21:35
Günelə nə olub? - Xəstəxanadan görüntüsünü paylaşdı və... - FOTO
-
Hadisə26 Aprel 21:10
Qırmızı işıqda keçən nazirin maşını aşdı - FOTO