Yaxın Şərq qaynayır: Türkiyə ən kəskin zəhərini onlar üçün saxlayıb

“ABŞ-la edilən əməkdaşlıq kürdlərin özlərinə çox güvənməsinə gətirib çıxardı”.

Publika.az xəbər verir ki, bunu “The İndependent" qəzetinin Yaxın Şərq üzrə ixtisaslaşan müxbiri Patrik Kokbörn yazıb.

“İndiki vəziyyət İŞİD üçün əvvəlkindən daha pisdir. İŞİD onu yox etmək istədiyini söyləyən strukturlarla mühasirəyə alınıb. Ancaq düşmənlərinin sayı və müxtəlifliyi İŞİD üçün heç bir zaman narahatedici faktor olmayıb. Çünki, bu strukturlar İŞİD-ə nifrət etdikləri qədər, bir-birlərindən də şübhələnirlər”, - müxbir qeyd edib.

Onun sözlərinə görə, xüsusilə Türkiyə və suriyalı kürdlər hər nə qədər İŞİD-lə mübarizə mövzusunda qərarlı olduqlarını dilə gətirsələr də, bu gün ən kəskin zəhərlərini bir-birlərinə qarşı istifadə etmək üzrə saxlayırlar: “Son günlər ABŞ Türkiyə və suriyalı kürdlər arasında atəşkəsin təmin edilməsi üçün əlindən gələni etməyə çalışır. Ancaq Ankara terrorçu adlandırdığı suriyalı kürdlərlə hər hansı razılaşmanın olmayacağını bildirir”.

Ömər Dağlı