Dünya
Putin baş redaktora “dərs verdi”: “On altı il deyil, on iki il”
Rusiya prezidenti Vladimir Putinlə onun müsahibə verdiyi “Bloomberg” agentliyinin baş redaktoru Con Mikletveyt arasında maraqlı bir dialoq yaşanıb.
Publika.az xəbər verir ki, baş redaktor Putinin ölkəni 16 ildir idarə etdiyini bildirib və Kreml lideri iki dəfə bu rəqəmə düzəliş edib.
“Siz Rusiyanı 16 il idarə edə bildiniz. Əsas liderlərə baxaq, onların çoxu azı beş-altı ildən artıq hakimiyyətdə qalır. Siz bu insanlara hansı məsləhət verərdiniz ki, onlar hakimiyyətdə daha çox qalsınlar?”, - Mikletveyt sual verib.
Putin cavab verib ki, nəyin bahasına olursa-olsun kreslonu tutmağa çalışmaq lazım deyil. Rusiya prezidenti bildirib ki, Konstitusiya imkan vermədiyi üçün səkkiz il prezident olduqdan sonra dörd il müddətində baş nazir olub. Putin buna görə də Rusiyanı on altı deyil, on iki il idarə etdiyini deyib.
O, həmçinin qeyd edib ki, Kanada və Almaniya liderləri xeyli vaxtdır hakimiyyətdədirlər.
Bundan sonra “Bloomberg”in baş redaktoru deyib: “Amma on altı il deyil. Siz müvəffəqiyyət qazanaraq hamısını ötdünüz”.
“On altı il deyil, on iki il”, - Putin yenidən onun səhvini düzəldib.
Rusiyada növbəti prezident seçkiləri 2018-ci ildə keçiriləcək. Qanun üzrə, seçkilərdə qalib gələn dövlət başçısı bu vəzifəni 6 il tutacaq. Putin namizəd olmaq hüququna malikdir.
Ömər Dağlı
-
Dünya14:01
Sensasion iddia: Asiyada müharibə bu paslı gəmiyə görə başlayacaq - FOTO
-
Nida Xəbər 13:32
İlham Əliyev Almaniyada mühüm tədbirdə çıxış etdi - Yeniləndi
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı
-
Sosial12:58
Sabah 32 dərəcə isti olacaq
-
Nida Xəbər 12:16
XİN Avropa Parlamentinə cavab verdi
-
Nida Xəbər 10:29
Qriqoryan İrana hesabat verdi: Delimitasiya ilə bağlı
-
Nida Təhlil 09:26
Füzulidən Berlinə uçuş: Əliyevin təyyarəsi niyə Qarabağdan qalxdı?
-
Sosial08:42
Azərbaycanda general vəfat etdi