Malayziya hava yollarının qara ili

4 ay ərzində “Malaysia Airlines” artıq 2 təyyarəsini itirib. ANS PRESS-in məlumatına görə, Donetsk vilayətində vurulan “Boinq-777” təyyarəsindən öncə, 8 mart günü Kuala-Lumpurdan uçan eyni tip təyyarə yoxa çıxıb. Bu günə kimi təyyarənin harda olduğu bilinmir.

227 sərnişin və 12 ekipaj üzvü daşıyan təyyarə Pekinə reys edirdi. Hakmiyyətin irəli sürdüyü fərziyyəyə əsasən təyyarə bilinməyən şərtlər əsasında istiqamətini dəyişib, bundan bir saat sonra isə radarlardan yoxa çıxıb. Bu zaman o Vyetnam ərazisində olub.

Güman edilir ki, təyyarə Hind Okeanına düşüb. Dağıntıların axtarışı hələ ki, nəticəsizdir, lakin yeni avadanlıqların cəlb edilməsi ilə davam edəcək. Malayziya Müdafiə Nazirliyinin məlumatına görə, döyüş gəmilərinin birinə böyük dərinlikləri araşdırmaq üçün güclü səsqaytarıcılar qoşulacaq. Bu gəmi Avqustun ortalarında axtarış sahəsinə çatacaq. Dərinliklərdə axtarışı Çin tərəfi də edir.. Xilasedicilər ərazinin 60,000 kvadrat kilometr sahəsini araşdırmaq niyyətindədirlər.