Dünya
Sunamidə itən qız 10 ildən sonra valideynlərinə qovuşdu (FOTO)
İndoneziyada sunaminin apardığı qızı valideynləri 10 il sonra
tapıblar.
Publika.az-ın məlumatına görə, İndoneziyanın “Jakarta Globe”
qəzetinin yazır ki, sunaminin apardığı Açex əyalətindən olan balaca
qız 10 ildən sonra valideynlərinə qovuşub.
Qızın anası Cəmilə deyib: ”Mən və ərim xoşbəxtik. Biz qızımıza
qovuşduğumuza görə, Allaha minnətdarıq”.
Hadisə belə olub. 2004-cü ilin dekabrında Sumatra adası
yaxınlığında baş vermiş 9,2 bal gücündə zəlzələ nəticəsində
yaranmış 20 metr hündürlüyündə sunami Septi Rangkuti ailəsini də
çıxılmaz vəziyyətdə qoymuşdu. Suyun səviyyəsi getdikcə artırdı. Ata
və ana kiçik oğulları Arifi və dörd yaşlı qızları Raudhatulu taxta
lövhənin üzərində oturdublar ki, batmasınlar.
Suyun səviyyəsi endikdən sonra valideynləri uşaqları xeyli
axtarsalar da onları tapa bilməmiş, böyük oğlanları ilə birgə köçüb
Şimali Sumatra əyalətinə getmişlər. Sunami isə taxta lövhə üzərində
olan uşaqları çox uzaqlara - Banyak arxipelaqının adalarından
birinə aparıb çıxarmışdı. Burada balaca Raudhatulu tapan balıqçı
ona yeni ad vermişdi – Venni. Qızın dediyinə görə, Arif də xilas
olmuş, amma onu ayrı adam götürmüşdü.
Balaca qız onu qəbul edən ailədə, Açex sahillərindəki kənddə
böyümüş, yalnız 10 il sonra təsadüfən böyük qardaşının diqqətini
cəlb etmişdi. Qızın bu ailə tərəfindən qəbul olunmuş yetim olduğunu
öyrənən qardaşı anasına zəng vurmuş və Cəmilə dərhal həmin kəndə
gəlmişdi.
“Onu görəndə ürəyim sanki yerindən çıxdı, mən tam əmin idim ki,
nəhayət itmiş qızımı tapdım. Mən onu qucaqladım, o da məni. Biz göz
yaşlarımızı saxlaya bilmirdik”, - deyə Cəmilə xatırlayır.
Qızı qəbul edən ailənin xahişinə əsasən, Raudhatul Ramazan ayının
sonuna kimi onlarda qalıb. İndi o yenidən Banyak adasına
hazırlaşır. Ailə üzvləri əmindirlər ki, sağ qalmış Arifi də orada
tapa biləcəklər.
AzərTAc
-
İdman01:15
Arda tarixi matçında belə qol vurdu - VİDEO
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan
-
Hadisə26 Aprel 21:47
Dörd aylıq körpə binadan necə düşüb? - Hadisə yerindən GÖRÜNTÜLƏR
-
Magazin126 Aprel 21:35
Günelə nə olub? - Xəstəxanadan görüntüsünü paylaşdı və... - FOTO
-
Hadisə26 Aprel 21:10
Qırmızı işıqda keçən nazirin maşını aşdı - FOTO